Non estivemos parados... Novas iniciativas en Mens Sana!

 Non estivemos parados, non... É que poñer en marcha un novo curso con nova lei incluída non e pouca cousa.

Queremos contarvos que este curso hai unha nova materia, Proxecto Competencial, que no IES Celanova adicaremos a traballar co alumnado aspectos como a alimentación saudable, publicidade, redes sociais, imaxe corporal e seguridade en internet, elementos que consideramos clave para o nosos alumnado e que son un complemento ideal para a práctica deportiva. 

Ademáis, contnuamos cos recreos saudables, volvemos a participar en Xogade e... xa está en marcha a semana branca en Andorra!

Deixámosvos una imaxe do fantástico traballo desenvolvido polo alumnado de Proxecto Competencial, sobre o consumo de azucre.

BASKET X LIBROS NON PARA!

 

Que bonito e concorrido foi o acto de presentación do libro de fotopoesía Entre_Vistas! Ben arroupados por pequenos e grandes, os autores do libro contáronnos experiencias e anécdotas, houbo tempo para os parabéns, o recitado de poemas do libro e a música. Tamén as autoridades fixeron acto de presencia apoiando esta fermosa iniciativa. Deixámosvos unhas imaxes que a Fundación Curros moveu polas súas redes sociais (moitísimas grazas tamén!).

 É unha sorte poder continuar colaborando cole e instituto, pequenos e grandes, profes e familias, e institucións da vila e provinciais. Adiante Basket x Libros!!!

 

Na nosa biblio xa podedes colaborar levando o libro por só 10 "ouriños" de donativo!

Estivemos caladiños pero non ociosos: Andorra 2022

 Certo é que a burocracia crecente nos impide asomarnos a esta bitácora con máis frecuencia, pero tamén é certo que non paramos de acometer empresas tan bonitas como esta: primeira viaxe á neve post-pandemia!

Parabéns ao departamento de Eduación Física e a todo o profesorado que colaborou nela! 

Aquí vos deixamos o testemuño audiovisual.

FANTÁSTICA INAUGURACIÓN DA EXPOSICIÓN DE FOTOPOEMAS "ENTRE_VISTAS"

 

Estamos encantadas polo ben que saiu a presentación da exposición de fotopoemas ENTRE_VISTAS, na que Juan Vila aportou as imaxes e Xoan Carlos Domínguez Alberte, a literatura. 

Acudiron ao acto veciños e veciñas, nais e pais, alumnos e alumnas, poetas, representantes do concello e algúns profes. Parécenos moi importante e significativo o feito de reunir a membros das comunidades educativas dos centros públicos da vila (cole e instituto) en colaboración estreita co concello para apoiar ao noso querido proxecto Basket X Libros, que como sabedes, levamos a cabo conxuntamente co CEIP Curros Enríquez. Bravo! 

O evento, no que interviñeron os artistas e o alcalde, e no que se leron unhas palabras de apoio do director do IES, contou tamén con poesía e música. A Casa dos Poetas foi o lugar elixido, como non podía ser doutra maneira, para inaugurar a exposición, e albergala durante os meses de decembro e xaneiro.

Xa quedan á vosa disposición na Librería Conde os fotopoemas impresos en forma de fermosas tarxetas para que fagades fantásticos agasallos de nadal, e unhas tazas preciosas que veredes nas imaxes.

Por certo, todas as imaxes que mostramos a continuación foron cedidas pola Fundación Curros Enríquez a través das súas redes sociais. Moitísimas grazas por apoiarnos!

 Lembrade que todos os beneficios da venda destes produtos serán para Basket X Libros. Longa vida a este proxecto!

Basket X Libros

 

O Tesouro dos Xogos Olímpicos

 Perdoade a nosa prolongada ausencia, pero estivemos moi ocupados co arranque do curso. Prometemos no sucesivo dar máis sinais de vida e informarvos de todo o que estamos a facer no programa Mens Sana in Corpore Sano do IES Celanova, que son moitas cousas.

Polo momento, achegámosvos un vídeo da fantástica actividade colaborativa que se realizou o curso pasado sobre este material dos Xogos Olímpicos e que quedou así de ben:

Educación Física nun curso diferente

 A pandemia está a poñer a proba a nosa saúde, o sistema enteiro e mesmo a nosa paciencia. Pero non nos botamos atrás e aquí podedes ver o ben que funcionaron as clases de Educación Física durante o curso que xa pasou. Quedaron algunhas cousiñas no tinteiro que tentaremos achegarvos a través desta bitácora, que tentaremos actualizar con máis frecuencia cando vaia chegando a tan ansiada "normalidade".

Mentres, que funcionen os protocolos e a creatividade: mirade todo o que se fixo ao longo do curso botando man de disciplina e organización: