A xornada na rúa, un éxito!

Pois así de chula quedou a nosa carpa informativa! Para os que non puidestes vir, aquí vos achegamos o díptico e algúns dos materiais que elaboramos para poder difundir mellor as nosas conclusións:

O NOSO DÍPTICO

OS NOSOS MURAIS

Consume con xeito: Cómprame A Igualdade sae a rúa.

A nosa campaña de sensibilización sobre consumo e xénero Cómprame A Igualdade, da man da campaña da Biblioteca Voces de Muller e dos Plans Proxecta da Xunta, sairá a rúa o próximo luns 10 de xuño pola tarde. Na nosa carpa que vos espera na Praza Maior de Celanova partillaremos con vós o noso traballo, as nosas conclusións e a nosa ilusión por cambiar o entorno en positivo. Agardámosvos.

Este estupendo audiovisual resume o noso traballo... Bótalle unha ollada par ir facendo boca!

"La isla de las flores"

Unha curta para a reflexión. Partillámosvos este traballo da hora de lectura, en colaboración con Mens Sana in Corpore Sano e a campaña de consumo responsable Cómprame a Igualdade. Entre todos traballamos para concienciar á nosa comunidade educativa e fomentar o espírito crítico.

Neste padlet podedes atopar a curta que vimos, traballamos e debatimos en clase, "La isla de las flores", a dinámica de traballo e algúns dos produtos finais (algúns estámolos aínda rematando...) .

É curioso o feito de que cada persoa ten diferentes xeitos de asimilar o que aprende, e tamén o feito de que os datos e as ideas calan de diferente modo nas mentes de cada un. Reciclaxe, racismo, antibelicismo, xustiza social... Co mesmo punto de partida, cada membro do grupo destilou diferentes conclusións e sintetizounas de maneiras diversas nos seus produtos finais.

Aí vos deixamos o froito do noso traballo.

O noso decálogo da hixiene!

Os de Cultura Científica, que están traballando arreo no seu proxecto sobre Redución, Reutilización e Reciclaxe, sacaron tamén un ratiño para elaborar este decálogo tan ben feitiño para que a convivencia sexa un pouco máis doada e a nosa saúde mellore. Xa está pendurado en tódalas aulas, por se algún puntiño se nos esquece... Agardamos que non!

Os documentos gráficos da Xornada Deportiva do 12 de abril!

Fixéronse esperar, pero xa temos aquí os testemuños gráficos dos bos ratos que pasamos na Xornada Deportiva coa que lle demos a benvida ás vacacións... Sobran as palabras. Dende aquí, dar as grazas ás persoas que as fixeron posibles, tanto membros do equipo directivo e do claustro como dos colaboradores que se prestaron a botarnos unha man: a monitora de Pilates e profe de ximnasia rítmica de Celanova Thais López, os membros de Capoeira Ourense Andarué e o xogador neozelandés de rugby Jason Harvey que se brindaron a facer os obradoiros co alumnado.

Mens Sana coas matemáticas!

Tempo hoxe para amosarvos este bonito traballo do noso alumnado organizado polo departamento de matemáticas e co que participarán no concurso "Explícoche Matemáticas 2.0 2019" da Facultade de Matemáticas da USC.

Paula e Fran - alumnos de 4º de ESO - explican o uso da trigonometría a través deste vídeo que se realizou no patio do noso instituto para medir a altura dun ciprés e calculalo a través dos datos proporcionados co teodolito (un instrumento de medición mecánico-óptico que se utiliza para obter ángulos verticais e horizontais, na maioría dos casos, ámbito no cal ten unha precisión elevada - Wikipedia) que trouxo Xavier e a axuda de Rosa, profesora de matemáticas do centro. Grazas a Carlos Alonso por axudarnos con todo!

Atención! Á vista xornada deportiva!!! O día 12 de abril!!!!

Xa estamos organizando a próxima xornada deportiva, que será o 12 de abril a partir das 10.25, e este ano haberá sorpresas... Ademáis dos partidos de profesorado e alumnado teremos tamén xogos populares e... ATENCIÓN, ATENCIÓN: capoeira e pilates!!!! Ídevos preparando!!!! Para que vos documentedes, aquí deixamos un par de vídeos.